اسلام آباد (نیوز ڈ یسک)برطانوی حکومت کا کہنا ہے کہ برطانیہ، ایران پر امریکا اور اسرائیل کے حملے میں شامل نہیں
لیکن ایران پر ہونے والے حملے کے بعد کشیدگی میں اضافہ نہیں چاہتے۔حکومت برطانیہ کا کہنا ہے ایران کو کبھی ایٹمی ہتھیار بنانے کی اجازت نہیں دی جانی چاہیے، ہم نے مذاکرات کے ذریعے مسائل کے حل تک پہنچنے کی کوششوں کی مسلسل حمایت کی ہے۔حکومت برطانیہ کے مطابق متاثرہ خطے میں موجود برطانوی شہریوں کی حفاظت اولین ترجیح ہے، وزیر اعظم سر کیئر اسٹارمر نے تازہ صورتحال پر غور کیلئے کوبرا میٹنگ طلب کرلی ہے۔
