لاہور(نیوزڈیسک) انگلینڈ کیخلاف ون ڈے اور ٹی ٹوئنٹی سیریز کیلئے سلیکشن کمیٹی کی مشاورت مکمل ہوگئی، یونس خان کی سات ماہ بعد ون ڈے اسکوا ڈ میں شمولیت کا امکان ہے،پاکستان اور انگلینڈ کے درمیان چار میچز پر مشتمل ون ڈے سیریز کا آغازگیارہ نومبرسے ہوگا جبکہ ٹی ٹوئنٹی سیریزستائیس نومبر سے یکم دسمبر تک کھیلی جائے گی۔سلیکشن کمیٹی نے یونس خان کی ون ڈے ٹیم میں شمولیت کے حوا لے سے کپتان اورکوچ سے رائے طلب کرلی ہے،ٹیسٹ میں رنزکے انبارلگانے والے یونس خان کوون ڈے میں ایک اور مو قع دئیے جانے کا امکان ہے،دوسری جانب پشاور سے تعلق رکھنے والے جارح مزاج بلے باز رفعت اللہ مہمند کی ٹی ٹوئنٹی اسکوا ڈ میں شمولیت متوقع ہے،چیئرمین پی سی بی شہریارخان کی منظوری کے بعد قومی ون ڈے اورٹی ٹوئنٹی اسکواڈز کا اعلان تیسرے ٹیسٹ کے دوران کیا جائے گا۔