اسلام آباد (نیوز ڈ یسک)عمران خان کو آنکھوں کے علاج کے سلسلے میں فالو اَپ معائنے اور انجکشن کے لیے پمز اسپتال منتقل کیا گیا۔

اسپتال انتظامیہ کے مطابق انہیں 24 فروری کو اڈیالہ جیل سے لایا گیا جہاں ماہر ڈاکٹروں کی نگرانی میں علاج کیا گیا۔ایگزیکٹو ڈائریکٹر پمز کے مطابق مریض کو اینٹی وی ای جی ایف انٹرا وٹریئل انجکشن کی دوسری خوراک دی گئی۔ طریقۂ کار سے قبل کارڈیالوجی کنسلٹنٹ نے ایکو کارڈیوگرافی اور ای سی جی سمیت ضروری ٹیسٹ کیے، جن کی رپورٹس معمول کے مطابق تھیں۔اسپتال حکام کا کہنا ہے کہ علاج کے دوران اور بعد میں ان کے تمام وائٹل سائنز مستحکم رہے جبکہ معالجین نے انہیں طبی طور پر فٹ قرار دیا۔

یہ پروسیجر پمز اور شفا انٹرنیشنل اسپتال کے ماہر امراض چشم اور وائٹریو ریٹینل سرجن کی زیر نگرانی ڈے کیئر سرجری کے طور پر انجام دیا گیا۔ اس سے قبل اسپیشلسٹس کے بورڈ نے مکمل طبی معائنہ بھی کیا۔اعلامیے کے مطابق ضروری ہدایات، ادویات اور فالو اَپ پلان فراہم کرنے کے بعد انہیں واپس بھیج دیا گیا۔