اسلام آباد (نیوز ڈ یسک) بلوچستان کی سیاسی صورتحال میں ایک نمایاں تبدیلی سامنے آئی ہے جہاں صوبائی وزیر علی حسن زہری کو ان کے عہدے سے ہٹا دیا گیا ہے۔
اس سلسلے میں باضابطہ اعلامیہ بھی جاری کر دیا گیا ہے۔سرکاری نوٹیفکیشن کے مطابق یہ اقدام وزیراعلیٰ بلوچستان کی سفارش پر اٹھایا گیا، جس کی باقاعدہ منظوری گورنر بلوچستان نے دی۔ اعلامیے میں واضح کیا گیا ہے کہ علی حسن زہری کی برطرفی کا اطلاق فوری طور پر ہوگا۔باخبر ذرائع کا کہنا ہے کہ اس پیش رفت کے بعد صوبائی کابینہ میں مزید رد و بدل کا امکان بھی ظاہر کیا جا رہا ہے، تاہم اس حوالے سے سرکاری سطح پر کوئی تفصیلی بیان جاری نہیں کیا گیا۔ سیاسی مبصرین اس فیصلے کو صوبائی حکمرانی اور پالیسی معاملات کے تناظر میں اہم قرار دے رہے ہیں۔حکومتی حلقوں کا مؤقف ہے کہ یہ فیصلہ آئین اور ضابطہ کار کو سامنے رکھتے ہوئے کیا گیا ہے۔
