دبئی(آن لائن)دبئی ٹیسٹ میں شاندار کارکردگی کا مظاہرہ کرنے والے پاکستانی لیگ اسپنر یاسر شاہ آئی سی سی رینکنگ میں دوسرے نمبر پر آگئے۔ انگلینڈ کے جے روٹ بیٹسمنوں کی فہرست میں سب سے آگئے نکل گئے۔پاکستانی لیگ اسپنر یاسر شاہ آئی سی سی ٹیسٹ رینکنگ میں تین درجے ترقی کے ساتھ دوسری پوزیشن پر آگئے۔انہوں نے دبئی ٹیسٹ میں آٹھ وکٹیں لیکر ٹیم کو فتح سے ہمکنار کروایا، بولرز کی فہرست میں ڈیل اسٹین پہلے نمبر پر ہیں۔وہاب ریاض کی رینکنگ میں نو درجے بہتری آئی ،تاہم وہ اب بھی 35ویں نمبر پر ہیں۔بیٹسمینوں کی رینکنگ میں انگلینڈ کے جے روٹ نے آسٹریلیاکے اسٹیون اسمتھ سے ٹاپ پوزیشن چھین لی، یونس خان ایک درجے بہتری کے ساتھ پانچویں پوزیشن پر آگئے۔کپتان مصباح الحق 11ویں اور اسد شفیق 12ویں نمبر پر آگئے ، ٹیم رینکنگ میں پاکستان کی چوتھی پوزیشن برقرار ہے، جنوبی افریقا پہلے آسٹریلیا دوسرے اور انگلینڈ تیسرے نمبر پر ہے۔