اسلام آباد(نیوز ڈیسک )عام طور پر بڑھتی عمر کے اثرات چہرے او ر ہاتھوں کی جلد پر جھریوں کی صورت میں نمودار ہوتے ہیں۔ انسانی جلد پر بڑھتی عمر کے اثرات کا ظاہر ہونا اگرچہ ایک فطری عمل ہے تاہم اس سے چھٹکارہ پانے کیلئے قدرت نے بہت سی ایسی اشیاءپیدا کی ہیں جن کے بر وقت استعمال سے اس عمل کو کسی حد ت روکا یا سست کیا جا سکتا ہے۔ماہرین جلد کی رائے کے مطابق کیمیکل کے استعمال سے بہتر ہے کہ جلد پر قدرتی اثرات کے ظاہر ہونے پر ان سے قدرتی انداز میں نمٹا جا ئے۔ماہرین جلد کی رائے کے مطابق جھریوں کے خاتمے کیلئے سب بہترین چیزانڈے کا ماسک ہے۔انڈے کا ما سک تیار کرنے کیلئے آپ کو ضرورت ہو گی ایک عدد انڈے کی سفیدی، ایک کھانے کا چمچ لیموں کا رس اور آدھی کھانے کی چمچ شہد ان تینوں اشیاءکو اچھی طرح مکس کرکے آمیزہ تیار کر لیں اور آدھے گھنٹے کیلئے چہرے پر لگا رہنے دیں اس کے بعد تازہ پانی سے چہرہ دھو لیں۔واضح رہے انڈے کی سفیدی جلد کو ٹائٹ رکھنے اور کھلے مساموں کو تنگ کرنے اور جھریوں کو کم کرنے میں اہم کردار ادا کرتی ہے۔دوسرا اہم اور آسان طریقہ ایلو ویرایا گھیگوار کا استعمال ہے۔ماہرین جلد کے مطابق ایلویرا میں قدرتی طور پر میلک ایسڈ وافر مقدار میں موجود ہوتا ہے جو جھریوں کے خاتمے کیلئے نہایت اہم کردار ادا کرتا ہے۔ آپ تازہ ایلویرا کا ایک پتہ لیں اس کی تازہ جل کو نکال کر چہرے پر لگائیں اور 20منٹ کے بعد چہرہ دھو لیں۔علاوہ ازیں زیتون کا تیل یا اولیو آئل جھریوں کے خاتمے کیلئے نہایت مفید خیال کیا جاتا ہے۔ اولیو آئل میں وٹامن اے اور ای وافر مقدار میں پایا جاتا ہے۔ اولیو آئل چہرے پر جھریوں کے خاتمے اور جلد میں مناسب نمی پیدا کرنے کا بہترین حل ہے۔ جلد کی حفاظت اور جھریوں سے نجات کیلئے کھیرے اور دہی کا ماسک بھی بے حد اہم نتائج دیتا ہے۔کھیرے اور دہی کا ماسک تیار کرنے کیلئے آدھا کھیرا کاٹ لیں اس میں چند پتیاں پودینے کی اور ایک کپ دہی ڈال کر بلینڈ کر لیں۔ اس آمیزے کو فریج میں محفوظ کر لیں اور ہر زور حسب ضرورت آمیزہ چہرے پر لگا کر 25منٹ کے بعد دھو لیں۔ امید ہے ان آسان طریقوں پر عمل کر کے آپ چہرے اور ہاتھوں کی جھریوں سے نجات حاصل کرنے اور انکے بڑھوتری کے اثرات کر کم کرنے میں کامیاب ہو جائیں گی۔