پشاور(نیوزڈیسک) ملک بھر میں آنے والے زلزلے سے قومی کرکٹر عمر اکمل بال بال بچ گئے ہیں۔ تفصیلات کے مطابق آج ملک بھر میں آنے والے زلزلے کے باعث بڑے پیمانے پر تباہی ہوئی ہے۔ اس حوالے سے قومی کرکٹر عمر اکمل نے سماجی رابطے کی ویب سائٹ ٹوئٹر پر جاری کیے گئے پیغام میں بتایا ہے کہ زلزلے کے وقت وہ ڈومیسٹک کرکٹ کے میچ کے سلسلے میں پشاور اسٹیڈیم میں موجود تھے۔ زلزلے کے وقت ڈریسنگ روم بری طرح لرز اٹھا اور دیواروں پر دراڑیں پڑ گئی تھیں۔ اس تمام صورتحال میں وہ بہت زیادہ خوفزدہ ہوگئے تھے۔