دبئی (نیوزڈیسک) پاکستان کرکٹ ٹیم کے کپتان مصباح الحق نے کہاہے کہ پاکستان کی دوسرے ٹیسٹ میچ میں جیت بہترین ٹیم کمپبونیشن کانتیجہ ہے ۔انہوں نے کہاکہ یاسرشاہ اوروہاب ریاض نے عمدہ کھیل کامظاہرہ کیا۔دبئی میں انگلینڈ سے دوسراٹیسٹ میچ جیتنے کے بعد مصباح الحق نے پریس کانفرنس سے خطاب کرتے ہوئے کہاکہ ہماری بیٹنگ لائن نے بہترین کارکردگی کامظاہرہ کیااورباﺅلرز نے بھی ایساہی مظاہرہ کیا۔انہوں نے کہاکہ انگلینڈکی ٹیم کوئی کمزورٹیم نہیں ہے اس کامقابلہ کرنامشکل تھالیکن ہمارے لڑکوں نے بہترین کھیل کامظاہرہ کیا۔انہوں نے اس موقع پریونس خان کومبارکباد بھی دی۔