کراچی (این این آئی)آل پاکستان صرافہ جیمز اینڈ جیولری ایسوسی ایشن کے مطابق عالمی ومقامی مارکیٹس میں سونے اور چاندی کی قیمتیں بلندسطح سے نیچے آگئیں،ہفتے کے روز سونا پہلی بارپونے 5 لاکھ اور چاندی 8 ہزار روپے فی تولہ سے تجاوز کرگئے تھے۔

آل پاکستان صرافہ ایسوسی ایشن کے مطابق مقامی مارکیٹ میں 5500روپے کی کمی سے 24 کیرٹ فی تولہ سونا 470162 روپے پر آگیا،اس کے علاوہ 10گرام سونے کے بھاؤ4715روپے کم ہوکر403088روپے ہوگئے۔جبکہ چاندی کی فی تولہ قیمت332روپے کم ہوکر8075روپے پرآگئی،دوسری جانب عالمی منڈی میں 55 ڈالر سستا ہوکر فی اونس سونا4478ڈالرپرآگیا ہے۔