لاہور(نیوزڈیسک)محمدآصف اورسلمان بٹ منہ دیکھتے رہ گئے،محمدعامر کی موجیں شروع، رواں سال کے آخر میں ہونے والی بنگلادیش پریمیر لیگ نے 16پاکستانی کرکٹرز سے معاہدہ کرلیا۔ شاہد آفریدی، سعیداجمل اور شعیب ملک سمیت کئی اسٹارز کھلاڑی بی پی ایل میں اپنی صلاحیتوں کا جلوہ دکھائیں گے۔نجی ٹی وی کے مطابق ٹیسٹ اور ون ڈے کپتان سمیت یونس خان اور محمد حفیظ کو خریدنے میں کسی فرنچائز نے دلچسپی ظاہر نہیں کی ۔محمد آصف اور سلمان بٹ بھی خالی ہاتھ رہ گئے جبکہ سپاٹ فکسنگ میں سزا یافتہ کرکٹر محمدعامر سے معاہدہ کرلیا گیا ہے۔کچھ فرنچائزز نے کھلاڑیوں کے ساتھ براہ راست معاہدے کیے ہیں ، ان کھلاڑیوں میں شاہد آفریدی، سہیل تنویر ، سعیداجمل، شاہ زیب حسن، محمدعرفان، یاسرشاہ، ناصر جمشید، سہیل خان، محمد سمیع، عماد وسیم، عمراکمل، کامران اکمل، شعیب ملک اوراحمدشہزاد شامل ہیں۔