اسلام آباد(نیوز ڈیسک ) یہ کوئی پہلی تحقیق نہیں کہ جب سائنس دانوں نے پھلوں اورسبزیوں کو صحت کے لیے مفید قرار نہ دیا ہو لیکن اس تحقیق میں انسانی صحت کے ایک نئے پہلو کو سامنے لایا گیا ہے اورانکشاف کیا گیا ہے کہ بحیرہ روم کی غذائیں کھانے سے انسانی دماغ کے سکڑنے کا عمل رک جاتا ہے اور وہ اپنی سے 5 سال زیادہ بہتر کام کرتا ہے۔
امریکی یونیورسٹی میں ہونے والی تحقیق میں کہا گیا ہے کہ جو لوگ پھل، سبزیاں، زیتون کا تیل اور مچھلی کو اپنی غذا کا حصہ بناتے ہیں تو بڑھاپے میں ان کے دماغ کے سکڑنے کا عمل سست ہوجاتا ہے اور اس کے کام کرنے کی صلاحیت بڑھ جاتی ہے۔ تحقیق کے دوران 674 افراد کی زندگیوں کا مشاہدہ کیا گیا اور یہ بات سامنے ا?ئی کہ نہ صرف بحیرہ روم کی غذائیں بلکہ گوشت کم کھانے اور مچھلی کا زیادہ استعمال کرنے والوں کا دماغ بھی کم رفتار سے سکڑتا ہے۔
تحقیق کے سربراہ ڈاکٹر جیان گو کا کہنا ہے کہ تحقیق کے دوران سامنے ا?نے والے یہ نتائج دلچسپ ہیں اور لوگ اس سے اپنے ذہن کے سکڑنے کے عمل کو روک سکتے ہیں۔ ان کا کہنا تھا کہ اگرچہ ان غذاو¿ں کے کھانے سے دماغ سے تعلق بہت گہرا نہیں تاہم اگر ان 5 غذاوں کو بھر پور طریقہ سے استعمال کیا جائے تو اس کے بھر پور نتائج سامنے ا?تے ہیں۔
الزائمر سوسائٹی کے ڈاکٹر جیمز پیکٹ کا کہنا ہے کہ اس بات کے ٹھوس شواہد موجود ہیں کہ ایسی غذائیں جن میں مچلھی، سبزیاں، خشک میوے، پھل اور زیتون کا تیل شامل ہو وہ دماغ کے لیے انتہائی مفید ہیں۔ برطانوی الزائمر ریسرچ سینٹر کی لورا فیپس کاکہنا ہے کہ اس تحقیق میں اگرچہ واضح نہیں کہ کس طرح یہ غذائیں بھولنے والی بیماری میں فائدہ مند ہوں گی تاہم یہ غذائیں دماغ کو صحت مند ضرور بناتی ہیں۔