نئی دلی (آن لائن) بھارت میں ہندو انتہا پسند تنظیم شیوسینا نے مسلمانوں‘ سکھوں‘ عیسائیوں اور پاکستان کے بعد سیاحوں کو بھی اپنی دہشتگردی کا نشانہ بنانا شروع کر دیا۔ آسٹریا کے سیاحتی جوڑے پر بدترین تشدد کیا اور گاڑی توڑ دی۔ بھارتی میڈیا کے مطابق جمعرات کے روز بھارتی ریاست آسام میں شیوسینا کے ڈنڈا بردار بلوائیوں نے آسٹریا کے سیاحتی جوڑے پر حملہ کر دیا اور ان کو بدترین تشدد کا نشانہ بنایا اور زخمی کر دیا۔ شیوسینا کے دہشتگردوں نے تشدد کے بعد ان کی گاڑی پر بھی حملہ کیا اور گاری کو مکمل طور پر توڑ دیا اور نظر آتش کرنے کی بھی کوشش کی۔ آسٹریا سے تعلق رکھنے والا سیاحتی جوڑا گزشتہ 165 روز سے دنیا کے دورے پر تھا اور کئی ممالک کی سیر کرنے کے بعد بھارت پہنچا تھا۔ رواں ہفتہ سیاحوں پر بھارتی انتہا پسند ہندوﺅں کا یہ دوسرا حملہ ہے۔ اس کو ملک چھوڑنے کی دھمکیاں دی تھیں۔ حملہ کے بعد غیر ملکی مقدمہ درج کروانے تھانے گیا تو پولیس نے مقدمہ درج کرنے سے انکار کر دیا جس سے مودی حکومت کا چہرہ کھل کر سامنے آ گیا۔