دبئی(نیوز ڈیسک)دوسرے کرکٹ ٹیسٹ میں پاکستان نے انگلینڈ کے خلاف ٹاس جیت کر بیٹنگ کا فیصلہ کیا ہے۔دبئی انٹرنیشنل اسٹیڈیم میں کھیلے جارہے میچ میں پاکستانی ٹیم میں ایک تبدیلی کی گئی ہے اور راحت علی کی جگہ یاسر شاہ کوٹیم میں شامل کیا گیا جبکہ انگلینڈ کی ٹیم میں کوئی تبدیلی نہیں کی گئی۔انگلش کپتان ایلسٹر کک کا کہنا ہے کہ ان کی ٹیم دنیا کی پہلی ٹیم بننا چاہتی ہے جو پاکستان کو متحدہ عرب امارات میں ٹیسٹ سیریز میں شکست دے گی۔ 2012میں اس گراﺅنڈ پر پاکستان نے انگلینڈ کو تین۔ صفر سے شکست دی تھی۔پاکستانی کرکٹ ٹیم انگلینڈ کے خلاف دوسرے ٹیسٹ میں لیگ ا سپنر یاسر شاہ سے بہت زیادہ توقعات وابستہ کیے ہوئے ہے۔ یاسر شاہ نے ایک سال کے دوران ا?سٹریلیا اور سری لنکا کے خلاف ٹیسٹ سیریز میں فتوحات دلوانے میں اہم کردار ادا کیا تھا۔ یاسر شاہ کمر کی تکلیف کے سبب ابوظہبی ٹیسٹ نہیں کھیل سکے تھے۔