ماسکو(نیوزڈیسک)ترک صدرطیب ایردوآن نے شام میں روس کے فضائی حملوں پر اظہارتشویش کرتے ہوئے کہاہے کہ روس دہشت گردتنظیموں کے خلاف بلا تفریق کارروائی کرے،روس کے ایوان صدرکے مطابق روسی صدرولادی میرپیوٹین اورترک صدررجب طیب ایردوآن کے درمیان ٹیلی فونک رابطہ ہوا ،اس دوران روسی صدرنے اپنے ترک ہم منصب کو شام کے صدربشارالاسد کے دورہ روس کے بارے میں آگاہ کیا،کریمن کے ترجمان دمتری پیسکوونے کہاکہ ٹیلی فونک گھفتگومیں شام کی صورتحال پر بات چیت ہوئی ،ترک ذرائع کے مطابق اس گفتگومیں ترک صدرنے شام میں روس کے فضائی حملوں پر اپنی تشویش کا اظہارکیا اورزور دیا کہ روس دہشت گردوں تنظیموں کے خلاف بلا تفریق کارروائی کرے۔