ابوظہبی(نیوزڈیسک) انگلینڈ کے بلے باز معین علی کی اردو زبان سے آگاہی انگلینڈ کے کپتان الیسٹر کک کی ڈبل سینچری میں مددگار ہونے کا انکشاف ہوا ہے۔ تفصیلات کے مطابق انگلینڈ کے بلے باز معین علی نے انکشاف کیا ہے کہ وہ اردو زبان سے آگاہ ہیں اور پاکستان کیخلاف پہلے ٹیسٹ میچ کے دوران جب وہ کپتان الیسٹر کک کے ساتھ بیٹنگ کررہے تھے تو پاکستانی کھلاڑیوں کی جانب سے باولنگ کے لائحہ عمل کے حوالے سے گفتگو کو غور سے سنتے رہے اور الیسٹر کک کو مسلسل اس حوالے سے آگاہ کرتے رہے جس کے باعث وہ پاکستانی گیند بازوں کا بہتر طریقے سے سامنا کر سکے اور اسی باعث ڈبل سینچری بنانے میں کامیاب ہوئے۔