لاہور(نیوزڈیسک) پاکستان ٹی ٹونٹی ورلڈ کپ میں بائیکاٹ کرے گا یا نہیں ،اس بات کی سوشل میڈیا پر خوب بحث ہو رہی ہے ۔اس بحث میں قومی کرکٹ ٹیم کے کھلاڑی شاہد آفریدی نے بھی حصہ لیا ۔ایک مداح کے پوچھنے پر کہ کیا پاکستان بھارت میں ورلڈ کپ کا بائیکاٹ کرے گا تو قومی کرکٹر شاہد آفریدی نے جواب میں کہا شاید۔قومی کھلاڑی کی جانب سے بائیکاٹ کے امکان کے اس جواب کو کئی فینز نے فیورٹ اور متعدد نے ری ٹوئیٹ کیا ۔واضح رہے کہ پانچ ماہ بعد 11مارچ سے ورلڈ ٹی ٹونٹی کا انعقاد بھی بھارتی سرز مین پر ہوگا،جس میں پاکستان سمیت دنیا کی 16ٹیمیں بھارت آئیں گی۔لیکن موجودہ صورتحال نے بھارت میں ورلڈ ٹی ٹونٹی کے انعقاد پر سوالیہ نشان لگ دیا ہے؟۔