نئی دہلی(آن لائن)آئی پی ایل کے کمشنر راجیو شکلا نے کہاہے کہ چیئرمین پاکستان کرکٹ بورڈ شہریار خان کو پولیس کی سیکیورٹی فراہم کر دی گئی ہے اور سیریز سے متعلق جو بھی فیصلہ ہو گا اس کے بارے میں آ گاہ کر دیا جائے گا۔میڈیا سے گفتگو کرتے ہوئے راجیوشکلا کا کہناتھا کہ پاک بھارت سیریز کا فیصلہ بی سی سی آئی کے صدر ششانک منوہر نے کرناہے اور وہ جوبھی فیصلہ کریں سب کے سامنے لایا جائے گا اور تاحال سیریز سے متعلق کوئی بات چیت نہیں ہو ئی ہے انہوں نے کہا کہ شہریار خان اور ان کی اہلیہ ملنے ملانے آئی تھے سیریز سے متعلق بات نہیں ہوئی ۔۔راجیو شکلا کا کہناتھا کہ گزشتہ روز کا واقعہ افسوسناک ہے شیوسینانے جو ممبئی میں کیا وہ قابل مذمت ہے۔ان کا کہنا تھا کہ شہریار خان کو پولیس کی سکیورٹی فراہم کر دی گئی ہے۔