لاہور(آن لائن)ٹیسٹ کرکٹر سعید اجمل کا کہنا ہے کہ جب تک وہ پاکستان کی جانب سے دوبارہ انٹرنیشنل میچ نہیں کھیل لیتے، ریٹائرمنٹ نہیں لیں گے۔ آف اسپنر سعید اجمل کہتے ہیں کہ وہ پاک انگلینڈ سیریز بہت مس کر رہے ہیں۔ دل کرتا ہے کہ اڑ کر جائیں اور ٹیم میں شامل ہو جائیں۔سعید اجمل کا کہنا ہے کہ وہ فٹ ہیں۔ اعتماد میں کمی نہیں آئی،نہ ہی ریٹائر منٹ کا کوئی فیصلہ کیاہے۔ ہنستے مسکراتے رہنے والے سعید اجمل کا کہنا ہے کہ فریضہئ حج کی ادائیگی کے بعد ان میں خاصی تبدیلی آئی ہے۔سعید اجمل کا ماننا ہے کہ انگلینڈ کے خلاف سیریز میں اسپن ٹریک ہی پاکستان ٹیم کے لیے مفید ثابت ہو سکتے ہیں۔