اسلام آباد(نیوز ڈیسک)انٹرنیشنل کرکٹ کونسل کے چیف ایگزیکٹو ڈیوڈ رچرڈ سن نے بھارتی انتہا پسند تنظیم شیو سینا کے بھارتی کرکٹ بورڈ پر حملے پر انتہائی افسوس کا اظہار کیاہے۔پریس کانفرنس سے خطاب کرتے ہوئے ڈیوڈ رچرڈ سن نے کہا کہ کرکٹ کھیلنے والے ممالک میں باہمی تعاون کو فروغ دینا چاہیے جبکہ بھارتی انتہا پسند تنظیم شیو سینا کا کرکٹ بورڈ پر حملہ کرکٹ کو نقصان پہنچائے گا۔اس سے قبل آئی سی سی کے صدر ظہیر عباس نے بھی انتہا پسند تنظیم شیو سینا کے حملے کی مذمت کی ہے اور کہاہے کہ ہی دونوں ملکوں کے آپس کا معاملہ ہے اس میں آئی سی سی کوئی کر دار ادا نہیں کرسکتی۔