راجکوٹ(آن لائن) جنوبی افریقہ اور بھارت کے درمیان کھیلے جانے والے تیسرے ون ڈے کے موقع پر ہندو انتہا پسند باروک پٹیل کو چھ ساتھیوں سمیت سٹیڈم کے قریب سے گرفتار کیا گیا۔ تفصیلات کے مطابق ہندو انتہا پسند باروک پٹیل نے دھمکی دی تھی کہ وہ بھارت اور جنوبی افریقہ کے درمیان ہونے والے ون ڈے میچ نہیں ہونے دیں گے ۔ اتوار کے روز راجکوٹ پولیس نے سٹیڈیم کے باہر تقریباً دو کلومیٹر کے فاصلے سے ہندﺅ انتہا پسند باروک پٹیل اور ان کے چھ ساتھیوں کو گرفتار کیا ۔ یاد رہے کہ اس سے قبل کیٹک میں ہونے والے بھارت اور جنوبی افریقہ کے درمیان کھیلے گئے میچ کے دوران جنوبی افریقہ کی ٹیم پر بوتلیں پھینکی گئیں تھیں ۔