اسلام آباد (نیوز ڈیسک)امریکی امیگریشن حکام نے دنیا کے سب سے زیادہ فالوورز رکھنے والے ٹک ٹاکر خابی لامی کو ویزا کی مدت ختم ہونے کے بعد امیگریشن قوانین کی خلاف ورزی پر حراست میں لیا، تاہم بعد ازاں انہیں ’رضاکارانہ طور پر روانگی‘ کی اجازت دے دی گئی۔
اے ایف پی کے مطابق امریکی امیگریشن اینڈ کسٹمز انفورسمنٹ (ICE) کے ترجمان نے بتایا کہ 25 سالہ سیریج خابانے لامی ، جو اطالوی شہری ہیں، کو 6 جون کو لاس ویگاس، نیواڈا کے ہیری ریڈ انٹرنیشنل ایئرپورٹ پر حراست میں لیا گیا۔ ترجمان کے مطابق، لیم 30 اپریل کو امریکہ آئے تھے اور ویزا کی شرائط کی خلاف ورزی کرتے ہوئے قیام کی مدت سے تجاوز کر گئے تھے۔بیان میں مزید کہا گیا کہ انہیں اسی روز رہا کر دیا گیا اور انہوں نے امریکہ چھوڑ دیا ہے۔
ٹک ٹاک پر بے پناہ مقبول خابی لامی نے اب تک اس واقعے پر کسی قسم کی عوامی پوسٹ نہیں کی، جبکہ ان کے سوشل میڈیا فالوورز کی تعداد ٹک ٹاک پر 162.2 ملین سے زائد ہے۔
