کراچی(این این آئی)پاکستان شوبز انڈسٹری کی معروف اداکارہ مریم نفیس نے قومی کرکٹر اعظم خان کے ساتھ اپنے رشتے سے متعلق مداحوں کو بتا کر انہیں حیران کر دیا۔اداکارہ مریم نفیس پاکستان سپر لیگ کے ایک میچ کے دوران اپنے ننھے بیٹے موسی اسٹیڈیم میں موجود تھیں۔اس دوران میڈیا سے گفتگو میں انہوں نے ٹیم اسلام آباد یونائیٹڈ کی حمایت کا اظہار کرتے ہوئے اعظم خان کے ساتھ تعلق کا ذکر بھی کیا۔ا

داکارہ مریم نفیس نے کہا کہ اعظم میرے لیے بیٹے کی طرح ہے۔ میں نے خود ایک بار اس سے کہا تھا کہ تم میرے بچے جیسے ہو، اور اس دن سے وہ مجھے ماں ہی کہتا ہے۔ انہوں نے کہاکہ اعظم انہیں محبت سے منہ بولی ماں کہہ کر پکارتا ہے، اور یہ رشتہ ان کے لیے بہت خاص ہے۔اداکارہ نے وضاحت کی کہ وہ صرف ٹیم سپورٹ کرنے نہیں، بلکہ اعظم خان کے لیے خاص طور پر گرانڈ میں موجود تھیں۔ انہوں نے بتایا کہ اسلام آباد یونائیٹڈ سے جڑی میری جذباتی وابستگی اعظم خان کی وجہ سے ہے۔میزبان نے جب ان سے کرکٹ کے تکنیکی پہلوئوں پر بات چیت کا تذکرہ کیا، تو مریم ہنستے ہوئے بولیں، ہماری باتیں کرکٹ سے زیادہ ذاتی اور خوشگوار موضوعات پر ہوتی ہیں۔