نیویارک(نیوز ڈیسک)اکثر کہاجاتاہے کہ بہت زیادہ نمک ہمارے لیے نقصان دہ ثابت ہوتاہے مگر ایک نئی تحقیق میں اس روایتی خیال کو مسترد کرتے ہوئے کہاگیاہے کہ نمک تو درحقیقت لوگوں کو موٹاپے سے بچانے میں مدد فراہم کرتاہے۔یہ بات امریکہ کی آئیووایونیورسٹی کی ایک تحقیق میں سامنے آئی ہے۔فاسٹ فوڈ کے شوقین کے لیے تو یہ اچھی خبر ہوگی تاہم محققین نے خبر دار کیاہے کہ زیادہ نمک کااستعمال دل کے امراض کا خطرہ بھی بڑھاسکتاہے۔تحقیق میں بتایاگیاہے کہ نمک کا استعمال جسمانی وزن میں کمی یا اضافے کے حوالے سے اہم کرداراداکرتاہے۔تحقیق کے دوران چوہوں کو 16ہفتوں تک زیادہ نمک کا استعمال کرایاگیا جس کے بعد حیرت انگیز طورپر زیادہ چر بی والی غذائیں کھانے والے ان چوہوں کے جسمانی وزن میں کمی دیکھی گئی۔تحقیق میں بتایاگیاہے کہ نمک غذا میں موجود کیلوریز کو جسم میں جذب کرنے میں مدد فراہم کرتاہے۔تحقیق کے مطابق نمک جسم میں توانائی کو متوازن رکھنے میں مدد فراہم کرتاہے جبکہ میٹا بولزم یا جسمانی سرگرمیوں پربھی کوئی اثرات مرتب نہیں ہوتے بلکہ وہ نظام ہاضمہ کو بہتر بناتاہے۔