ابو ظہبی (نیوز ڈیسک )قومی کرکٹ ٹیم کے آو¿ٹ آف فارم بلے باز احمد شہزاد کا چا چا پاکستانی سے جھگڑا ہو گیا۔میڈیا رپورٹ کے مطابق احمد شہزاد اور چا چا زمان کے درمیان جھگڑا ابوظہبی کے ہوٹل میں ہوا جس میں احمد شہزاد نے چا چا پاکستانی سے کافی تلخ کلامی کی اور انہیں سنگین نتائج کی دھمکیاں دیں۔چا چا زمان کا کہنا ہے کہ احمد شہزاد کو ٹیم میں نہ کھلائے جانے پر غصہ ہے اور انہوں نے یہ غصہ مجھ پر اتارا۔انہوں نے مزید کہا کہ میں نے احمد شہزاد کی باتوں کا برا نہیں مانا ،وہ میرے بچوں جیسا ہے اور میں نے ہمیشہ اس کی سپورٹ کی ہے۔چا چا زمان کا کہنا تھا کہ کرکٹ کے شوق میں انہوں نے اپنی نوکری بھی چھوڑ دی ہے۔ان کا کہنا تھا کہ جب کسی کے برے دن آتے ہیں تو وہ ایسی حرکتیں ہی کر تا ہے ۔انہوں نے کہا کہ میری دعائیں ہمیشہ احمد شہزاد اور پاکستانی کھلاڑیوں کے ساتھ رہیں گی