ابوظہبی(نیوز ڈیسک )پہلے ٹیسٹ میچ میں انگلش بلے بازوں کے سامنے بے بس پاکستانی ٹیم کو دوسرے ٹیسٹ سے قبل خوشخبری مل گئی ہے ¾ یاسر شاہ دبئی ٹیسٹ میں شرکت کےلئے فٹ ہوگئے ¾ پاکستان نے اگلے ٹیسٹ کیلئے خفیہ ہتھیار کے استعمال کا بھی عندیہ دیدیا ۔تفصیلات کے مطابق پہلے ٹیسٹ میچ سے قبل کمر کی انجری کا شکار ہونے والے یاسر شاہ فٹ ہو گئے اور دوسرے ٹیسٹ میچ کیلئے دستیاب ہونگے ۔یاد رہے کہ یاسر شاہ کی غیر موجودگی میں پاکستانی باو¿لنگ انگلینڈ کے خلاف بالکل بے بس نظر آئی ¾ ڈراپ کیچز نے رہی سہی کسر بھی پوری کردی اور قومی ٹیم تقریباًدو دن کی مشقت کے بعد بھی مہمان ٹیم کو آو¿ٹ کرنے سے قاصر ہے۔گزشتہ روز دن کے اختتام پر پریس کانفرنس سے خطاب کرتے ہوئے قومی ٹیم کے باو¿لنگ کوچ مشتاق احمد نے کہا تھا کہ یاسر کے نہ ہونے سے باو¿لنگ لائن کمزور ہوئی اور اس سے ذوالفقار بابر کی کارکردگی پر بھی اثر پڑا۔