کراچی (این این آئی)سونے کی قیمت میں پاکستان سمیت دنیا بھر میں اضافے کا سلسلہ جاری ہے۔گزشتہ روز پاکستان میں پہلی باردس گرام سونے کے نرخ تین لاکھ سے بڑھ گئے، دس گرام سونا کل تین لاکھ 68 روپے کی سطح پر پہنچ گیا۔
ملک میں سونے کے فی تولہ نرخ نے بھی ریکارڈ قائم کیا اور قیمت ساڑھے تین لاکھ تک پہنچ گئی، اس طرح پاکستان میں سونا انتہائی مہنگا ہو گیا ہے۔دوسری جانب عالمی سطح پر بھی سونے کے نرخوں میں اضافے کا سلسلہ جاری ہے، عالمی مارکیٹ میں گزشتہ روز سونا 3329 ڈالر فی اونس کی سطح پر پہنچ گیا۔
