ممبئی (این این آئی)جنوبی بھارت کے امیر ترین اداکار نے بالی ووڈ سپر اسٹار سلمان خان اور عامر خان کو بھی پیچھے چھوڑدیا، اداکار کی دولت 3500 کروڑ بھارتی روپے ہیں۔ اسکا نام رجنی کانت، پربھاس یا وجے نہیں ہے، بلکہ یہ ناگرجنا ہیں جو نہ صرف ساوتھ بلکہ ہندی فلموں کے سپر اسٹارز کو بھی اس معاملے میں مات دے چکے ہیں۔

منی کنٹرول نامی ادارے کے مطابق انکی مجموعی دولت 410 ملین ڈالرز یا 3572 کروڑ بھارتی روپے ہے۔ یاد رہے کہ سلمان خان 2900 کروڑ روپے اور عامر خان 1900 کروڑ روپے ان سے کافی پیچھے ہیں۔ جبکہ ساوتھ میں دولت مند اداکاروں میں رام چرن 1370 کروڑ، کمل ہاسن 600 کروڑ، رجنی کانت 500 کروڑ، جونیئر این ٹی آر 500 اور پربھاس 250 کروڑ کے ساتھ ان سے پیچھے ہیں۔وہ دن گئے جب جنوبی بھارت کی فلم انڈسٹری کو ممبئی کی ہندی سنیما کا غریب کزن سمجھا جاتا تھا۔

گزشتہ عشرے کے دوران تامل، تیلگو، کناڈا اور ملیالم فلمی صنعت نے باکس آفس پر تسلسل کے ساتھ ہندی فلموں کو پچھاڑ دیا ہے۔ جس کی وجہ سے ساوتھ کے اسٹارز کے قد کاتھ میں بھی اضافہ ہوا ہے، جن میں سے کچھ اب دولت کے معاملے میں بالی ووڈ کے ٹاپ سپر اسٹارز کے حریف بن چکے ہیں۔