ممبئی (این این آئی) بھارتی گلوکار سونو نگم نے حال ہی میں موسیقی کیلئے اپنی محبت سے ایک بار پھر سب کو متاثر کردیا، گلوکار نے شدید کمر درد کے باوجود، پونے میں اپنے کنسرٹ میں پرفارم کیا۔سونو نگم نے سوشل میڈیا پر ایک ویڈیو شیئر کی تھی جس میں وہ کمر درد کی شدت سے دوچار نظر آ رہے تھے۔

انہوں نے لکھا تھا کہ کچھ لوگوں نے پیشگوئی کی تھی کہ یہ سال حادثات اور طبی مسائل سے بھرپور ہوگا اور لگتا ہے کہ وہ درست تھے۔شدید کمر درد میں مبتلا ہونے کے باوجود انہوں نے پونے کے اپنے کنسرٹ میں شرکت کی اور اپنے مداحوں کو مایوس نہیں کیا۔ سونو نگم کی اس محنت اور لگن کو دیکھ کر ان کے مداحوں نے ان کی تعریف کی اور ان کیلئے نیک تمنائیں پیش کیں۔