اسلام آباد (نیوز ڈیسک)امریکہ میں حکومت کی تبدیلی کے بعد سی این این کے سینئر صحافی جِم اکوسٹا مستعفیامریکہ میں نئی حکومت کے آتے ہی معروف صحافی اور سی این این کے سینئر اینکر جِم اکوسٹا نے اپنے عہدے سے استعفیٰ دے دیا۔
اکوسٹا، جو گزشتہ 18 سال سے سی این این کے ساتھ وابستہ تھے، نے سابق صدر ڈونلڈ ٹرمپ کے سامنے جھکنے سے انکار کرتے ہوئے ادارہ چھوڑنے کا اعلان کیا۔اپنے الوداعی پیغام میں جِم اکوسٹا نے کہا، “آمریت کے آگے جھکنے کا کوئی مناسب وقت نہیں ہوتا۔ جھوٹ اور خوف کے خلاف ڈٹے رہیں، سچائی اور امید کو تھامے رکھیں۔”ٹرمپ کے دوبارہ صدر منتخب ہونے کے بعد سی این این انتظامیہ نے اکوسٹا کے پروگرام کا وقت دن سے رات میں منتقل کر دیا تھا۔ اس فیصلے کے بعد انہوں نے بالآخر چینل چھوڑنے کا فیصلہ کیا۔
سابق صدر ڈونلڈ ٹرمپ نے اکوسٹا کے استعفے پر تبصرہ کرتے ہوئے اسے “اچھی خبر” قرار دیا اور کہا کہ یہ ان کے لیے خوشی کا لمحہ ہے۔جِم اکوسٹا اور ٹرمپ کے درمیان کئی مواقع پر سخت جملوں کا تبادلہ ہوا، خاص طور پر وائٹ ہاؤس کی پریس بریفنگز میں، جہاں اکوسٹا اکثر ٹرمپ کی پالیسیوں اور بیانات پر سخت سوالات کرتے رہے۔ ان ہی تنازعات کی وجہ سے وہ میڈیا اور عوام کی توجہ کا مرکز بھی بنتے رہے۔
