لاہور(نیوز ڈیسک)احمد شہزاد نے اپنے متعلق اعجاز بٹ کی باتوں پر سخت رد عمل ظاہر کرتے ہوئے کہاہے کہ انہیں اس عمرمیں جھوٹ نہیں بولناچاہیے۔سماجی رابطے کی ویب سائٹ پر انہوں نے لکھا کہ انہوں نے بچپن سے ہی اپنی والدہ سے بڑوں کی عزت کرنا سیکھا ، لیکن وہ ان ہی کی عزت کرتے ہیں جو عزت کے حقدار ہوتے ہیں۔انہونے مزید کہا کہ اعجاز بٹ کو اس عمر میں جھوٹ نہیں بولنا چاہیے۔ اوپننگ بلے باز نے سورہ آل عمران کا حوالہ دیتے ہوئے لکھا کہ اللہ جسے چاہے عزت دے اور جسے چاہے ذلت دے۔احمد شہزاد کا کہنا تھا کہ انہوں نے ہمیشہ وقار یونس کا احترام کیا ہے ، احمد شہزاد لکھتے ہیں کہ وہ اعجاز بٹ کے خلاف بات نہیں کرنا چاہتے لیکن اعجاز بٹ سماجی ویب سائٹ پر آکر دیکھیں کہ کرکٹ فینز کس کو سپورٹ کررہے ہیں۔