ابوظہبی (نیوزڈیسک)اسٹارپلیئریونس خان پاکستان کے کامیاب ترین بیٹسمین بن گئے ، یونس خان نے انگلینڈ کے خلاف ابوظہبی ٹیسٹ میں 19رنز بناکر لیجنڈ کرکٹر جاوید میانداد کا پاکستان کی طرف سے سب سے زیادہ 8832رنز بنانے کا ریکارڈ تودیا۔جاوید میاندادنے 124ٹیسٹ کھیل کر یہ اعزاز حاصل کیا تھا جبکہ یونس خان نے اپنے کیریئر کے 102ویں ٹیسٹ میں یہ کارنامہ سرانجام دیا۔38سالہ یونس خان نے بوظہبی ٹیسٹ 16رنز بناکر پہلےانضمام الحق اور اس کے بعد 19رنز اسکور کرکے جاوید میانداد کا کسی بھی پاکستانی کا ٹیسٹ کرکٹ میں سب سے زیاد رنز کا ریکارڈ اپنے نام کیا۔یونس خان پاکستان کی جانب سے سب سے زیادہ 30 سنچریاں اسکور کرچکے ہیں، اس کے علاوہ وہ ٹیسٹ میچز میں110کیچ پکڑ چکے ہیں ، یہ تعداد بھی کسی پاکستانی کا ریکارڈ ہے۔ان سب سے بڑھ کر یونس خان 2009 میں قوم کو ورلڈ ٹی 20 کا ٹائٹل بھی دلا چکے ہیں ۔26فروری 2000ء کو سری لنکا کے خلاف راولپنڈی ٹیسٹ سے کیریئر کا آغاز کرنے والے یونس خان کی ٹیسٹ کرکٹ میںاوسط 54اعشاریہ 7ہے جبکہ ایک اننگز میں ان کا سب سے زیاد ہ اسکور313ہے جو انہوں نے2009 میں سری لنکا کے خلاف کراچی ٹیسٹ میں بنایا تھا۔