چندی گڑھ (نیوز ڈیسک) بھارت میں بڑھتی ہوئی فرقہ واریت پر احتجاج کرتے ہوئے پنجاب کی معروف ترین مصنفہ دلیپ کور ٹوانہ نے پدما شری واپس کرنے کا اعلان کردیا۔ انہیں 2004 میں اس ایوارڈ سے نوازا گیا تھا۔ اپنے ایک بیان میں دلیپ کور نے کہا ہے کہ گورو نانک اور گوتم بدھ کے کے اس ملک میں 1984 میں سکھوں پر ظلم کے پہاڑ توڑے گئے اور مسلمانوں کے ساتھ بھی یہی کچھ ہوا۔ ایسی ناانصافیوں نے دنیا بھر میں بھارت کی ساکھ کو متاثر کیا اور اس پر احتجاج کے لئے میں اپنا پدما شری واپس کر رہی ہوں۔ انہوں نے مزید کہا بھارت میں تعصب بڑھ رہا ہے۔ دلیپ کور پٹیالہ کی پنجابی یورنیورسٹی سے بطور پروفیسر ریٹائر ہوئی ہیں اور اب تک ان کے 27 ناول اور 7 افسانے شائع ہوچکے ہیں۔ واضح رہے اس سے قبل بھی تین بھارتی مصنفین اپنے ایوارڈ واپس کر چکے ہیں