لاہور ( این این آئی) لاہور کی سیشن عدالت نے 12سالہ بچی کو اغواء کرکے زیادتی کا نشانہ بنانے والے مجرم کو دو بار عمر قید کی سزا سنادی۔ایڈیشنل سیشن جج رفاقت علی قمر نے جرم ثابت ہونے پر مقدمے کا فیصلہ سنایا، مجرم کے خلاف تھانہ ہنجروال پولیس نے 2013ء میں مقدمہ درج کیا تھا۔مجرم پر بارہ سالہ بچی کو گھر سے اغوا کرکے زیادتی کرنے کا الزام تھا۔دوران سماعت سرکاری وکیل عائشہ طفیل نے دلائل دیئے ۔بعدازاں عدالت نے دو بار عمر قید کے ساتھ مجرم اعوان رحمان کو ایک لاکھ روپے جرمانے کی سزا سنا دی۔