دبئی (نیوزڈیسک) دنیا کے بھر پاسپورٹس کی فہرست جاری کردی گئی ہے اس فہرست میں دنیاکے بہترین اوربدترین پاسپورٹس کی رینکنگ کی گئی ہے ۔اس کے مطابق جرمنی اور برطانیہ پہلے نمبر پر ہیں جن کے پاسپورٹس پر 173 ممالک کا بغیر ویزا سفر کیا جا سکتا ہے ، بھارت 87جبکہ پاکستان کا پاسپورٹ109ممالک میں سے 106ویں نمبر پرہے جس پر 31ممالک میں جایاجاسکتاہے اور اسے بدترین پاسپورٹس میں سے تیسرا نمبر دیاگیاجبکہ بدترین پاسپورٹ میں افغانستان پہلے اور عراق دوسرے نمبر پر ہے۔ عرب میڈیا نے ہینلی اینڈ پارٹنرز کی ویزا پابندیوں کے حالیہ انڈکس کے حوالے سے بتایاکہ اب دنیا کے طاقتور ترین پاسپورٹ برطانیہ ، جرمنی ، فن لینڈ، سویڈن اور امریکہ کے ہیں اوران کے علاوہ دیگر پاسپورٹس کی قدرمیں کمی دیکھی گئی ، سب سے زیادہ کمی سیرالیون کے پاسپورٹ میں دیکھی گئی جس نے ایک جھٹکے میں 24مقامات کھودیئے جبکہ بدترین پاسپورٹس میں پاکستان ، افغانستان ،عراق اور صومالیہ بھی شامل ہے۔ ہینلی اینڈپارٹنرز کے منیجنگ پارٹنر مارکوکاکہناتھاکہ اگر چہ دنیا پہلے سے زیادہ گلوبلائیزڈہوچکی ہے مگر پھر بھی مختلف ممالک کے درمیان سفرکی آزادی کی سطح میں بہت فرق ہے ، ویزے پر ہی سرحدوں کے آرپار شہری سفر کرسکتے ہیں اور ویزے کی ضروریات ہی دوممالک کے آپس میں تعلقات کی عکاس ہوتی ہیں۔
ذیل میں بہترین اور بدترین پاسپورٹس کی ایک فہرست دی گئی ہے جس میں متعلقہ ممالک کی درجہ بند ی دیگرممالک کی مجموعی تعداد کومدنظر رکھ کر کی گئی ۔