لاہور (این این آئی)پشاور، لاہور میں 2 دن میں ٹماٹر کی قیمت میں 50روپے فی کلو اضافہ ہوگیا۔پشاور میں سرکاری نرخنامے میں ٹماٹر کی قیمت 150روپے مقرر کی گئی ہے، گزشتہ روز ٹماٹر کی قیمت میں 30روپے جبکہ بدھ کو20روپے کا مزید اضافہ ہو گیا ہے۔سرکاری نرخنامے کے مطابق پشاور میں آلو 120روپے کلو جبکہ پیاز 140 روپے کلو میں دستیاب ہے۔

لاہور انتظامیہ کی جانب سے سبزیوں اور پھلوں کے سرکاری ریٹ جاری کئے گئے ہیں، سرکاری نرخنامے کے مطابق لاہور میں درجہ اول پیاز کی قیمت 135روپے کلو مقرر کی گئی ہے۔آلو کی قیمت 90روپے کلو، ٹماٹر کی قیمت 170روپے کلو، سبز مرچ کی قیمت 130روپے کلو، ادرک کی قیمت 340روپے کلو، دیسی لہسن کی قیمت 560روپے کلو اور کھیرا فارمی 45روپے فی کلو ہے۔میتھی کی قیمت45، بینگن کی قیمت 70روپے، پھول گوبھی کی قیمت 80روپے، شلجم کی قیمت 35روپے، شملہ مرچ کی قیمت 125روپے اور لیموں چائنہ کی قیمت 70روپے کلو مقرر کی گئی ہے۔مٹر کی قیمت 240روپے کلو، گھیا کدو کی قیمت 100روپے کلو، گاجر چائنہ کی قیمت 150روپے کلو مقرر کی گئی ہے۔سرکاری نرخنامے کے مطابق سیب ایرانی 240روپے جبکہ سیب کالا کولو 255روپے میں دستیاب ہے۔