دبئی(آن لائن)بھارت نے روایتی ہٹ دھرمی کا مظاہرہ کرتے ہوئے پاکستان کے ساتھ کرکٹ سیریز کھیلنے سے ایک بار پھر انکار کردیا ہے۔ نجی ٹی وی کے مطابق چیئرمین پی سی بی اور بھارتی کرکٹ بورڈ کے سیکرٹری کی دبئی میں ملاقات ہوئی ہے جس میں بھارتی سیکرٹری نے موقف اختیار کیاہے کہ بھارتی کرکٹ بورڈ کے آپس کے مسائل چل رہے ہیں، ابھی کرکٹ سیریز پر بات نہیں کی جاسکتی۔ذرائع کے مطابق بھارت سیریز پر حامی بھرنے کو تیارنہیں ہے بھارت دوطرفہ کی بجائے سہ ملکی سیریز کی پیشکش کر سکتا ہے اگر سہ ملکی سیریز ہوئی تو تیسری ٹیم بنگلہ دیش ہوگی۔