اسلام آباد (این این آئی)پاکستان شوبز کی ماضی کی مقبول اداکارہ ریما خان نے ناصر ادیب کے دیئے بیان کا ردعمل دیتے ہوئے کہا ہے کہ اپنے آپ کو اشرف المخلوقات اس وقت کہیں جب آپ کے شرسے باقی مخلوق محفوظ ہوں۔تفصیلات کے مطابق کچھ دن قبل ناصر ادیب نے ایک انٹرویو میں ریما سے متعلق ایک متنازعہ بیان دیا تھا جس میں انہوں نے ریما کے ماضی کے حوالے سے بات کرتے ہوئے کہا تھا کہ وہ ہیروئن کی تلاش میں ہیرا منڈی گئے تھے مگر انہوں نے ریما کو مسترد کر دیا تھا۔
ناصر ادیب کے اس بیان سے سوشل میڈیا پر نئی بحث چھڑ گئی جس کے بعد اداکارہ مشی خان، انعم عبید اور صنم جنگ سمیت کئی شوبز شخصیات نے ناصر ادیب کے اس بیان پر سخت ردعمل دیتے ہے اس کی مذمت کی تھی۔ اداکارہ ریما خان نے سوشل میڈیا پر ایک پوسٹ کی ہے جس کو ناصر ادیب کے بیان کے ردعمل کے طور پر اس معاملے سے جوڑا جارہا ہے۔ اداکارہ نے لکھا کہ اپنے آپ کو اشرف المخلوقات اس وقت کہیں جب آپ کے شرسے باقی مخلوق محفوظ ہوں۔ ریما خان کے اس پوسٹ پر مداحوں نے انہیں بیحد سراہا اور ان کی تحمل مزاجی کی تعریف کی۔
