لاہور(نیوزڈیسک)ن لیگ کی خاتون رکن اسمبلی کا تحریک انصاف پر سنگین الزام،کشیدگی بڑھ گئی،شہبازشریف میدان میں آگئے،متعلقہ حکام کو کارروائی کاحکم دیدیا،حکمران جماعت کی خاتون رکن اسمبلی عظمیٰ بخاری نے پی ٹی آئی کی طرف سے دھمکی آمیز ایس ایم ایس موصول ہونے کا الزام عائد کرتے ہوئے کہا ہے کہ الیکشن کی جیت کا جشن منانے کے بعد دھمکی ایس ایم ایس کے خلاف کارروائی کروں گی ،وزیر اعلیٰ پنجاب محمد شہباز شریف نے نوٹس لیتے ہوئے آئی جی پنجاب کو خاتون رکن اسمبلی کو مناسب سکیورٹی فراہم کرنے کی ہدایات جاری کر دیں۔ عظمی بخاری نے میڈیا سے گفتگو کرتے ہوئے کہا کہ پی ٹی آئی کی سیاست ایک نیا رخ اختیار کر گئی ہے اور یہ خواتین کو دھمکیاں دینے پر اتر آئے ہیں ۔ یہ تو عورتوںسے ڈر گئے ہیں ابھی تو بندوں کی باری ہی نہیں آئی۔ انہوں نے کہا کہ دھمکی آمیز ایس ایم ایس میں کہا گیا ہے کہ گھر بیٹھ جاﺅ ، 11اکتوبر کو تمہاری حکومت صرف اورصرف اپنی ساکھ بچانے کےلئے تمہاری قربانی دینے والی ہے ۔اگر تمہارے پولنگ ایجنٹس نے11اکتوبر کو کوئی گڑ بڑ کی گئی تو سیدھے ماتھے پر گولی کھائیں گے ۔ خبردار تم بھی انسان کی بچی بن کر رہو ۔ انہوں نے کہا کہ میرے ساتھ دھرنے کے دنوں میں ایسا ہواتھا۔ پی ٹی آئی سیاست میںنئی نئی آئی ہے اس لئے انہیں سیاسی کارکن کا پتہ نہیں ۔ میں انہیں بتانا چاہتا ہوں کہ انہیں تو پی ٹی آئی کے بڑے مشرف بھی گھر نہیںبٹھا سکے تھے اور یہ کس کھیت کی مولی ہیں ۔ انہوںنے کہا کہ میدان میںان سے نمٹنے اورجیت کاجشن منانے کے بعد دھمکی آمیز ایس ایم ایس کے خلاف کارروائی کروں گی ۔مزید بتایا گیا ہے کہ وزیر اعلیٰ پنجاب نے میڈیا میں حکمران جماعت کی خاتون رکن اسمبلی عظمیٰ بخاری کو دھمکی آمیز ایس ایم ایس موصول ہونے کی خبروںکے بعداس کا نوٹس لیتے ہوئے آئی جی پنجاب سے رپورٹ طلب کرنے کے ساتھ انہیں ہدایت کی ہے کہ خاتون رکن اسمبلی کو مناسب سکیورٹی فراہم کی جائے ۔