نئی دہلی (این این آئی)بھارت کے مایہ ناز اوپنر وریندر سہواگ کے بیٹے آریاویر سہواگ نے بھی کرکٹ کے میدان میں قدم رکھ دیا۔جونیئر سہواگ نے ایک مقامی ٹورنامنٹ میں ڈبل سنچری بنا ڈالی۔ گزشتہ روز آریاویر سہواگ نے کوچ بہار ٹرافی کے میچ کے پہلے روز میگھالیہ ٹیم کے خلاف دہلی کی طرف سے ڈبل سنچری بنائی۔17 سالہ آریاویر سہواگ 200 رنز کے ساتھ ناقابل شکست رہے جبکہ ان کی ٹیم نے مخالف ٹیم کو 208 رنز سے شکست دینے میں بھی کامیاب رہی۔یاد رہے کہ کوچ بہار ٹرافی ایک چار روزہ ٹورنامنٹ ہے جو بی سی سی آئی کی جانب سے انڈر 19 کھلاڑیوں کے لیے منعقد کیا جاتا ہے۔ آریاویر سہواگ نے 34 چوکوں اور دو چھکوں کی مدد سے 200 رنز بنائے۔