لاہور(نیوزڈیسک) انتخابی عمل میں بدنیتی،تحریک انصاف نے نتائج سے پہلے ہی چارج شیٹ پیش کردی،پاکستان تحریک انصاف پنجاب کے آرگنائزر چودھری محمد سرور نے الیکشن کمیشن کو خط لکھا ہے جس میں لاہور کے حلقہ این اے 122 میں انتخابی عمل کے حوالے سے شکایات سے متعلق تحریری طور پر آگاہ کیا گیا ہے۔ خط کے متن کے مطابق این اے 122 میں اچانک ووٹوں کی تبدیلی بدنیتی پر مبنی ہے۔ ووٹرز کے بلاک کوڈ بھی بغیر کسی وجہ کے تبدیل کئے گئے ہیں۔ ان بے ضابطگیوں کی وجہ سے بڑی تعداد میں لوگ ووٹ نہیں ڈال سکے۔ اس ضمن میں شکایات کا نوٹس لے کر کارروائی عمل میں لائی جائے۔