کراچی(این این آئی)ایس آئی ایف سی کی کاوشوں سے پاکستان کی ترسیلات زر میں 24 فیصد کا نمایاں اضافہ ہوا ہے۔پاکستان کی سالانہ ترسیلات زر اکتوبر 2024 میں 24 فیصد اضافے کے ساتھ 3 ارب ڈالر رہیں۔ اکتوبر میں سعودی عرب سے 766.7 ملین ڈالر، یو اے ای سے 620.9 ملین ڈالر اور برطانیہ سے 429.5 ملین ڈالر ترسیلات زر موصول ہوئیں۔

جولائی تا اکتوبر میں مجموعی ترسیلات زر 35 فیصد بڑھ کر 11.8 ارب ڈالر تک پہنچ گئیں۔پاکستانی ترسیلات زر میں تواتر کے باعث کرنٹ اکانٹ خسارے کو کنٹرول کرنے میں معاونت ملی ہے، ترسیلات زر میں اضافے کے باعث پاکستان کے زرمبادلہ ذخائر اور معاشی استحکام میں بہتری آئی ہے۔ ترسیلات زر میں اضافے کا سبب ڈیٹا کی ڈیجیٹائزیشن اور بیرون ملک مقیم پاکستانیوں کی تعداد میں اضافہ ہے۔ایس آئی ایف سی کے تعاون سے ترسیلات زر میں اضافے سے پاکستان کے ترقیاتی منصوبوں اور انفراسٹرکچر کو فروغ ملے گا۔