ریاض ( آن لائن ) ابو ظہبی میں مداحوں کو اپنے داﺅ پیچ کے جلوے دکھانے کے بعد ڈبلیو ڈبلیو ای کے عالمی شہرت یافتہ ریسلرز سعودی عرب کے شہر جدہ پہنچے۔سعودی عرب میں ریسلنگ کے مشہور ایونٹ ڈبلیو ڈبلیو ای کا انعقاد کیا، جس میں بگ شو اور جان سینا ، کین، جریکوسمیت دیگر ماہر ریسلرز نے شرکت کی۔شاہ عبداللہ اسپورٹس کمپلیکس میں منعقد ہونے والے 3 روز کے ایونٹ کے دوران مشہور ریسلرز مخالفین پر داﺅپیچ آزماتے دکھائی دیئے جبکہ اس دوران ریسلنگ کے ہزاروں سعودی مداحوں نے بھی خوب لطف اٹھایا۔ڈبلیو ڈبلیو ای کے منتظمین کے مطابق سعودی عرب میں ایونٹ کا انعقاد مداحوں کے پر زور اصرار پر کیا گیا ہے جو کہ بعد ازاں مشرق وسطیٰ کے دیگر ممالک میں بھی منعقد کیا جائے گا۔