بیجنگ(آن لائن)ثانیہ مرزا اور مارٹینا ہنگس نے چائنا اوپن کا ویمنز ڈبلز ٹائٹل اپنے نام کر لیا، بھارتی اور سوئس سٹار پر مشتمل جوڑی کی یہ مسلسل چوتھی فتح ہے۔تفصیلات کے مطابق چین کے دارالحکومت بیجنگ میں ہونے والے ٹینس ٹورنامنٹ کے فائنل میں ثانیہ مرزا اور مارٹینا ہنگس کا مقابلہ تائی پے کی ہو چنگ چان اور ینگ جین چان سے تھا۔ فاتح جوڑی نے حریف ٹیم کو سنسنی خیز مقابلے کے بعد سات چھے، چھے ایک اور دس آٹھ سے شکست دی۔ثانیہ اور مارٹینا کی جوڑی کا یہ مسلسل چوتھا جبکہ رواں سیزن کے دوران آٹھواں ٹائٹل ہے۔واضح رہے کہ اس جوڑی کو گزشتہ چار ٹورنامنٹس کے دوران سترہ میچوں میں انہیں صرف دو سیٹس میں شکست ہوئی ہے۔