حافظ آباد(نیوزڈیسک)بلدیاتی الیکشن کیلئے مامون جعفر تارڑ سمیت پی ٹی آئی کے متعدد اُمیدواروں کے کاغذات نامزدگی بحال، مخالفین کے اعتراضات مسترد، تفصیل کے مطابق یونین کونسل نمبر8کولو تارڑ سے چیئرمین کے اُمیدوار محمد مامون جعفر تارڑ(پی ٹی آئی) کے کاغذات نامزدگی ریٹرننگ آفیسر نے میاں افضل حسین تارڑ(مسلم لیگ ن) کے اعتراضات پر مسترد کردئےے تھے جس کے خلاف انہوں نے ڈسٹرکٹ ریٹرننگ آفیسر/ایڈیشنل سیشن جج مہ رُخ عزیز تارڑ کی عدالت میں اپیل دائر کررکھی تھی۔ گزشتہ روز فیصلہ سناتے ہوئے ڈی آر او نے محمد مامون جعفر کے کاغذات بحال کرتے ہوئے انہیں الیکشن لڑنے کی اجازت دے دی۔ ذرائع کے مطابق یو سی ساگر کلاں سے چیئرمین کے اُمیدوار رانا محمد اکرم(پی ٹی آئی)، یوسی کوٹ سید محمد سے حیدرعباس( پی ٹی آئی)، دھیرنکے لالکے سے اعجاز تارڑ(پی ٹی آئی)،یوسی علاﺅالدین کے خان سجاد خان(پی ٹی آئی) جبکہ یوسی پنڈی ڈوڈھال سے مسلم لیگ ن کے اُمیدوار میاں قادر بخش بھٹی کے کاغذات نامزدگی بحال کر دئےے گئے ہیں۔ جس کے بعد اُمیدواروں کے حلقوں میں خوشی کی لہر دوڑ گئی اور مٹھائیاں تقسیم کی گئیں۔دوسری جانب یونین کونسل 25ادوکی میں مسلم لیگ(ن) کے اُمیدوار برائے چیئرمین رائے قمر الزماں کھرل کے مخالف اُمیدوار امجد علی کی درخواست مسترد کر دی گئی۔جس پر رائے قمر الزماں کھرل کے بلا مقابلہ الیکشن جیتنے کے امکانات روشن ہو گئے۔