لاہور ( نیوزڈیسک) لاہور کے حلقہ این اے 122کے ضمنی انتخاب میں تحریک انصاف نے ووٹرزسے رابطے کے لئے کال سینٹر قائم کر دیا۔پی ٹی آئی پنجاب کے آرگنا ئزر چوہدری محمد سرور کی طرف سے این اے 122کے ضمنی انتخاب کے لئے کال سینٹر قائم کیا گیا ہے ۔ کال سینٹر سے ٹیلی فون کال کر کے ووٹرز سے رابطہ کیا جا رہا ہے ۔ ڈور ٹو ڈور مہم کے دوران ووٹرز کے ٹیلی فون نمبرز اکٹھے کیے گئے تھے ۔ 50سے زائد پی ٹی آئی کے رضاکار کال سینٹرز میں ووٹرزسے رابطہ کر رہے ہیں جبکہ پی ٹی آئی نے کال سینٹر کے زریعے 70ہزار ووٹر سے رابطے کا ہدف مقرر کیا ہے ۔ کال سینٹر میں نقشوں کی مدد سے حلقے کی ایک ایک گلی کی نشاندہی کی گئی پولنگ کے دن بھی ووٹرز کے ساتھ اس کال سینٹر سے رابطہ کیا جائے گا۔