لاہور( این این آئی) پولیس اہلکار مفت شہد کھانے کے شوق میں نوکری سے ہاتھ دھو بیٹھا ۔بتایا گیا ہے کہ پولیس ہیڈ کانسٹیبل رشید نے سڑک کنارے شہد فروش سے ایک بوتل شہد لی لیکن جب شہد فروش نے قیمت ادا کرنے کا کہا تو اہلکار نے کہا کہ اگلی بار قیمت ادا کروں گا۔

شہد فروش نے جب اہلکار کی اس بات پر اعتراض کیا اور کہا کہ چچا تم نے شہد لیا ہے، سب دیکھ رہے ہیں، پیسے دو تو اہلکار نے جواب دیا کہ چچا کہہ رہے ہو اور پیسے بھی مانگ رہے ہو ۔شہد فروش نے اس واقعے کی ویڈیو بنا کر سوشل میڈیا پر وائرل کر دی جس کے بعد ڈی آئی جی آپریشنز نے فوری کارروائی کرتے ہوئے اہلکار رشید کو معطل کر دیا۔ ہیڈ کانسٹیبل رشید کے خلاف مزید قانونی کارروائی شروع کر دی گئی ہے۔