لاہور ( نیوزڈیسک)عمران خان نے ایک اوراہم وکٹ گرادی۔ننکانہ صاحب سے آزاد رکن پنجاب اسمبلی علی سلمان صدیقی نے پاکستان تحریک انصاف میں شمولیت کا اعلان کر دیا ۔ گزشتہ روز پی ٹی آئی کے حلقہ این اے 122کی انتخابی مہم کے سلسلے میں قرطبہ چوک مزنگ چونگی میں منعقدہ جلسے میں ایم پی اے علی سلمان صدیقی نے پی ٹی آئی میں شمولیت کا باقاعدہ اعلان کیا ۔سلمان صدیقی ننکانہ صاحب سے آزاد حیثیت میں رکن پنجاب اسمبلی منتخب ہوئے تھے ۔ اس موقع پر پی ٹی آئی قائدین کی طرف سے سلمان صدیقی کی شمولیت کا خیر مقدم کیا گیا ۔