کراچی(نیوزڈیسک) امریکی سفارت خانے کے 4 رکنی وفد نے سندھ اسمبلی میں آغا سراج درانی سے ملاقات کی اور اسمبلی بلڈنگ کا دورہ کیا، امریکی وفد نے تعلیم اور صحت کے شعبوں میں تعاون کی پش کش بھی کی۔ اس موقع پر صحافیوں سے گفتگو میں اسپیکر سندھ اسمبلی آغا سراج درانی نے کہا کہ ایم کیو ایم کے استعفے قبول نہیں کئے گئے، ایم کیو ایم ارکان اسمبلی اگر استعفے واپس لینا چاہتے ہیں تو اپنی غلطی تسلیم کرتے ہوئے درخواست دیں، استعفے واپس کر دئیے جائیں گے، انہوں نے کہا ایم کیو ایم کو استعفے واپس لیکر ایوان میں عوام کے مسائل کے لئے بات کرنا چاہیے۔