اسلام آباد(نیوز ڈیسک)سینیٹ میں اپوزیشن سینیٹرز نے مطالبہ کیا ہے کہ حکومت صارفین سے بجلی بلز میں زائد وصول کیے گئے پیسے واپس کرنے کی یقین دہانی کرائے۔سینیٹ اجلاس میں نیپرا کی رپورٹ پر بحث کے دوران مسلم لیگ ق کے سینیٹر مشاہد حسین سید نے کہا کہ بجلی صارفین کو 70 فیصد غلط بل بھیجے جارہے ہیں، یہ کرپشن ہے ، روزانہ ایک ارب روپے کے لائن لاسز ہورہے ہیں،لائن لاسز اور غلط بلنگ نااہلی اور بد انتظامی بھی ہے۔سینیٹر فرحت اللہ بابر نے کہا کہ نیپرا کی رپورٹ پر حکومت کاجواب ابھی تک نہیں آیا،حکومت یقین دہانی کرائے کہ معاملے کی تحقیقات ہوں گی،اور صارفین سے وصول کیے گئے اضافی پیسے واپس ہوں گے۔