اسلام آباد (نیوز ڈیسک )پنجاب میں ڈینگی وائرس دن بدن بےقابوہونےلگا،سب سے زیادہ متاثرہ ضلع راولپنڈی ہے،جہاں رواں سال کےدوران900 مریض سامنے ا?چکےہیں،پنجاب حکومت ڈینگی پرقابو پانے کیلئےہنگامی بنیادوں پر اقدامات کر رہی ہے۔رواں سال پنجاب میں ڈینگی سےمتاثرہ مریضوں کی تعداد 11سو تک پہنچ گئی،یہ کہناہےمحکمہ صحت پنجاب کا۔سب سے زیادہ متاثرہ ضلع راولپنڈی ہے،جہاں900 مریض اب تک رپورٹ ہو چکے،دوسرے نمبر پر ملتان ہے،جہاں ڈینگی سےمتاثرہ مریضوں کی تعداد 55ہے، لاہور میں اب تک 12افراد میں ڈینگی وائرس کی تشخیص ہوئی ہے۔ محکمہ صحت کاکہناہے کہ ڈینگی کا خطرہ نومبرمیں بھی جاری رہےگا،تاہم سردی شروع ہوتےہی اس میں کمی ا?نا شروع ہو جائےگی، شہری ڈینگی کی روک تھام کیلئےکہیں پانی کھڑا نا ہونےدیں اور صفائی ستھرائی کا خاص خیال رکھیں۔ دوسری جانب چیف سیکریٹری پنجاب خضرحیات گوندل کی زیرِ صدارت اجلاس ہوا،جس میں راولپنڈی،ملتان سمیت صوبہ بھر میں ڈینگی کی صورتحال کا جائزہ لیاگیا۔ چیف سیکریٹری نے حکام کو ہدایت کی کہ ڈینگی پرقابو پانے کیلئےتمام وسائل بروئے کار لائے جائیں،اِن ڈور اور ا?و?ٹ ڈور سرویلنس پر خصوصی توجہ دی جائےاورانسداد ڈینگی کے حوالے سے وضع کردہ لائحہ عمل پر100فیصد عملدرا?مد یقینی بنایا جائے۔